Olive Chrestien

Un acte de transaction passe entre nobles gens Jan de Sainct-Pezran, comme pere et garde naturel de René de Sainct-Pezran, son fils de son mariage avecq Marguerite le Normand, d’une part, et Jan Guillemin, sieur de Quercado, fils aisné, heritier principal et noble de deffunct autre Jan Guillemin et de Janne le Normand, sa femme, par lequel il est recogneu par lesdites parties que Henry le Normand et Ollive Crestien eurent trois enfants, sçavoir Guyon le Normand, fils aisné, et Marguerite et Janne le Normand, ses soeurs ; que ledit Guyon estoit decedé sans hoirs de corps, René de Sainct-Pezran, par representation de Marguerite le Normand, sa mere, fut son heritier principal et noble et recueillit la succession desdits Henry le Normand et Crestien, sa femme, ses ayeulx maternels, et que Jan Guillemin, du chef de Janne le Normand, sa mere, estoit fondé pour son droict aux successions desdits Henry le Normand et Ollive Crestien, qui estoient pareillement ses ayeulx maternels. Ledit acte datté du 27e Juin 1537, deubment signé et garenty.